د وزيراعظم عمران خان د احساس انډر ګريجوېټ سكالرشپ پروګرام پرانستې دستورې ته وېنا

اسلام آباد 04 نومبر (اے پي پي) وزيراعظم عمران خان وئېلي دي د غريبو كورنيو ځوانانو له به مخ په وړاندې د تللو موقعې وركولې شي٬د احساس انډر ګريجوېټ سكالرشپ پروګرام له مخې به هر كال 50 زره زده كوونكو ته تعليمي وظيفې وركولې شي٬په پروګرام كښې دوه فيصده كوټه د خاصو كسانو لپاره بېلول خوشبينه ده٬ 50 فيصده به د مېرمنو لپاره هم سكالرشپ وركولې شي٬غريبو كورنيو له د صحت انصاف كارډ وركول هم د دې پروګرام يوه برخه ده٬دا د غريبې طبقې ښېګړې لپاره يو ښه پروګرام دے٬د لنګر پرانستلو پريكړه سخت وخت لپاره شوې دغسې چې په رياست كښې څوك نهر اوده نه شي٬دا پروګرام به په ټول هېواد كښې معرفي كولې شي٬د غريبو كورنيو لپاره به د راشن پروګرام هم معرفي كولې شي۔د دې خيالاتو څرګندونه ده د ګل په ورځ د احساس انډر ګريجوېټ سكالرشپ پروګرام پرانستې دستورې ته خطاب كښې وكړه۔د اطلاعات لپاره د وزيراعظم خاص مرستياله ډاكټر فردوس عاشق اعوان٬د تعليم وفاقي وزير شفقت محمود٬د وزيراعظم خاص مرستيال ظفر مرزا هم په دې موقع موجود وو۔وزيراعظم عمران خان د دې پروګرام په پېل كولو ډاكټر ثانيه نشتر له مباركي وركړه۔ده ووئيل وګړو ته اندازه نشته چې دا پروګرام به په ټولنه كښې څومره بدلون راولي٬نمل پوهنتون ما په ميانوالي كښې ځكه جوړ كړې چې هلته د ټاكنو كمپائن په مهال ما اوكتل چې ځوانان د بې روزګارۍ له امله په نشه اي توكو او جرمونو كښې ككړ دي٬ځوانانو ته كه ښه تعليم ترلاسه نه شي او موقعې نه وي نو هغوي سره د جرمونو نه علاوه كومه بله لار نه وي۔ ده ووئېل ځكه ما د ځوانانو لپاره د پريكټيكل كالج جوړولو سوچ وكړو٬د دې نه پس زما سوچ نور هم مخ په وړاندې لاړ او ما ووې بايد دلته پوهنتون او نالج سټي ولې نه وي۔ده ووئيل مونږ زده كوونكو له د وظيفو وركولو سلسله پیل كړې او داسې مضامين مو معرفي كړې چې ورسره هغوي ته نوكرۍ ترلاسه شي او د غريبو كورنيو ځوانانو ته هم موقعې په لاس ورشي۔ده ووئيل 8 لكه ماشومان انګلش مېډيم كښې داخل دي او درې كروړه په اردو مېډيم او پنځوس لكه ماشومان په مدرسو كښې دي۔ده ووئيل په تېر وخت كښې په هېواد كښې د مختلف نظام تعليم په وجه ناانصافي زياته شوې۔ ده ووئېل د نړۍ كومه هم ټولنه كښې په ماشومانو داسې ظلم نه كېږي٬په پرمختللي هېوادونو كښې په سركاري سكولونو كښې ښه تعليم وركړی كېږي۔ وزيراعظم عمران خان ووئيل كوم پروګرام چې نن پېل كېږي د دې ترمخه به هر كال 50 زره زده كوونكو له سكالرشپ يا وظيفې وركولې شي۔ده ووئيل 50 فيصده مېرمنو له به هم سكالرشپ وركولې شي٬دا يو مهم پروګرام دے بايد دا ډېره موده وړاندې پیل شوې ؤ۔ده ووئيل يوه لوستې مېرمن د ټولې كورنۍ ژوند بدلولې شي۔ده ووئيل كه زما مور نه وې نو زه دومره كاميابېدې نه شوم۔وزيراعظم ووئيل د احساس پروګرام په شا د مدينې رياست سوچ دے۔يو نظام هغه دے چې پكښې يوه طبقه ټول مراعات اخلي او د هغې په مقابل كښې د مدينې رياست دوهم ماډل دے چې پكښې رياست د خپلو وګړو ذمه واري اخلي او عامو وګړو ته هم موقعې ترلاسه كېږي۔ده ووئيل غريبو كورنيو ته د صحت انصاف كارډ جاري كول هم د دې پروګرام يوه برخه ده٬دا د غريبې طبقې ښېګړې لپاره يو ښه پروګرام دے۔ ده ووئيل د لنګر پرانستلو پريكړه سخت وخت لپاره شوې دغسې چې په هېواد ګښې څوك هم نهر اوده نه شي۔دا پروګرام به په ټول هېواد كښې معرفي كولې شي۔د غريبو كورنيو لپاره د راشن پروګرام هم معرفي كېږي او په دې كښې به د خوراك څښاك څه سامان غريبو كورنيو ته رسولې شي۔وزيراعظم ووئيل په تېر وخت كښې چې كوم پروګرامونه پېل شوي د هغې ميوې په حقيقي معنو كښې مستحقې طبقې ته نه دې رسېدلې٬مونږ چې كوم پروګرام راوړو هغه په ډېر محنت جوړوو ۔د پاكستان په تاريخ كښې چرې هم داسې پروګرامونه نه دې پیل شوي چې ورسره عامو وګړو ته موقعې ترلاسه شي۔د دې څخه وړاندې چيئرپرسن ډاكټر ثانيه مېشتر هم دستورې ته خطاب وكړو۔دې ووئيل نن د هېواد د تاريخ تر ټولو لويې سكالرشپس پروګرام پېل كېږي٬پخوانو حكومتونو كښې پي اېچ ډي او پوسټ ګريجوېټس سكالرشپونو ته پام لرنه شوې ده ٬د هېواد په تاريخ كښې په وړومبي ځل انډرګريجوېټ سكالرشپ پروګرام پېل كېږي۔دې ووئيل د پروګرام مقصد د غريبو زده كوونكو مالي مرسته او هغوي په خپلو پښو اودرول دي٬د غريبۍ ختمولو لپاره انډرګريجويټ سكيم مرستياله ثابتېدې شي

مضمون کا ماخذ : bolão quina

متعلقہ مضامین