معيشت تي سياست نه ٿيڻ گهرجي، معاشي استحڪام لاءِ سڀني کي پنهنجو ڪردار ادا ڪرڻ گهرجي، معاشي انگ اکر بهتري طرف گامزن آهن، قومي ايئر لائين جو ساليانو خسارو 80 ارب رپيا آهي، ان جي نجڪاري جو سلسلو اڳتي وڌي رهيو آهي: عطاءُ الله تارڙ

اسلام آباد– 04 – اپريل (اي پي پي) اطلاعات ۽ نشريات واري وفاقي وزير عطاءُ الله تارڙ چيو آهي ته معيشت تي سياست نه ٿيڻ گهرجي، معاشي استحڪام لاءِ سڀني کي پنهنجو ڪردار ادا ڪرڻ گهرجي، معاشي انگ اکر بهتري طرف گامزن آهن، معيشت بهتر ۽ مهانگائي گهٽ ٿي رهي آهي، اسٽاڪ ايڪسچينج ۾ مثبت رجحان آهي، قومي ايئر لائين جو ساليانو خسارو 80 ارب رپيا آهي، ان جي نجڪاري جو سلسلو اڳتي وڌي رهيو آهي. هو وزيراعظم جي ماحولياتي تبديلي بابت ڪوآرڊينيٽر رومينه خورشيد عالم سان گڏ پريس ڪانفرنس کي خطاب ڪري رهيو هو. اطلاعات واري وفاقي وزير چيو ته وزيراعظم شهباز شريف اڄ ڪابينا اجلاس ۾ مثبت معاشي انگن اکرن تي تفصيلي روشني وڌي. وفاقي وزير چيو ته اسان جي گذريل 16 مهينن جي حڪومت ۾ معيشت جي استحڪام جو بنياد رکيو ويو، ملڪ کي ڊيفالٽ کان بچايو ويو. وزيراعظم شهباز شريفج ي ڪوششن سان آءِ ايم ايف سان ڳالهيون ٿيون ۽ انهن ڳالهين جي نتيجي ۾ اسٽينڊ باءِ ايگريمنٽ ٿيو جنهن جا ثمر اڄ رپئي جي قدر ۾ استحڪام ۽ ايڪسچينج ريٽ ۾ بهتري جي صورت ۾ ڏسي سگهجن ٿا. هن چيو ته گذريل 16 مهينن دوران اسان جي برآمد ڪندڙن کي تمام گهڻيون مشڪلاتون درپيش هيون. اطلاعات واري وفاقي وزير چيو ته معيشت جي حوالي سان اسان ڪيترين ئي مشڪلاتن کي منهن ڏنو، هاڻي معيشت ۾ بهتري اچي رهي آهي. هن چيو ته جڏهن به معيشت ۾ استحڪام جون خبرون آيون، اسٽاڪ ايڪسچينج ۾ نمايان تيزي ڏٺي وئي. اطلاعات واري وفاقي وزير چيو ته بلومبرگ هڪ سٺي سهرت رکندڙ عالمي مالياتي رسالو آهي جنهن پاڪستان ۾ مهانگائي جي شرح گهٽ ٿيڻ جي اڳڪٿي ڪئي آهي. وفاقي وزير چيو ته پي آءِ اي جي نجڪاري جي حوالي سان ميڊيا عوام کي سمورين حقيقتن کان آگاهه ڪيو جنهن تي ان جا ٿورائتا آهيون. هن چيو ته پي آءِ اي جو ساليانو خسارو 80 ارب رپيا آهي جيڪو غريب عوام کي برداشت ڪرڻو پوي ٿو. هن چيو ته پي آءِ اي جو خسارو قومي خزاني تي بار آهي، پي آءِ اي جي نجڪاري سان اسان کي روينيو پڻ حاصل ٿيندو ۽ ان جي خساري جو بار سرڪاري خزاني تان ختم ٿيندو. هن چيو ته منهنجي سدائين کان اها گذارش رهي آهي ته اسان معاشي استحڪام جي لاءِ سياسي استحڪام طرف وڃون. هن چيو ته اڄ ڪابينا جي اجلاس ۾ معيشت جي حوالي سان پڻ ڳالهه ٻولهه ٿي ۽ اميد ظاهر ڪئي وئي ته آءِ ايم ايف بورڊ جي منظوري کانپوءِ پهرين ادائيگي هن مهيني مڪمل ٿي ويندي. هن چيو ته مثبت انگ اکر ۽ رجحانن کي اڳتي کڻي هلنداسين ته واڌويجهه جي شرح ۾ اضافو ٿيندو. هن چيو ته وزيراعظم شهباز شريف جي ذاتي ڪوششن سان ايف بي آر جي ڊيجيٽلائيزيشن ٿي رهي آهي. هن چيو ته ملڪ آهي ته سياست آهي، ملڪ آهي ته سياستدان آهن ان لاءِ اسان کي معيشت کي سياست جي ور نه چاڙهڻ گهرجي. هن چيو ته معاشي استحڪام جي لاءِ سڀني کي پنهنجو ڪردار ادا ڪرڻ گهرجي. وفاقي وزير چيو ته ڪيترائي ڀيرا اهڙيون اچي وڃن ٿيون جن سان معيشت تي منفي اثر پوي ٿو، ميڊيا کي درخواست آهي ته اهڙين خبرن جي تصديق ضرور ڪري، اطلاعات واري وزارت جا دروازا انهن جي لاءِ سدائين کليل آهن. اطلاعات واري وفاقي وزير چيو ته وزيراعظم پاڪ چين دوستي کي تمام گهڻي اهميت ڏي ٿو، هن بشام واقعي کانپوءِ داسو وڃي چيني انجنيئرز سان ملاقات ڪئي ۽ انهن سان يڪجهتي جو اظهار ڪيو. هن چيو ته معيشت جي بهتري ۽ قومي مفاد جي لاءِ پوري قوم گڏ آهي. هن چيو ته اسان کي اميد رکڻ گهرجي، اميد سان ڪيترائي مسئلا حل ٿي وڃن ٿا، اميد جو نالو ئي شهباز شريف آهي جنهن ماضي ۾ به ڊيليور ڪيو آهي. شهباز شريف نواز شريف جي قيادت ۾ ساڍا 12 سالن جي اندر پنجاب جو نقشو بدلايو، وزيراعظم ملڪ جي بهتري لاءِ ڏينهن رات ڪم ڪري رهيو آهي، مريم نواز پنجاب ۾ بهترين انداز ۾ پنهنجو ڪم ڪري رهي آهي. اطلاعات واري وفاقي وزير چيو ته اسان کي چئلينجز کي منهن ڏيڻ جي لاءِ وڌيڪ حڪمت عملي جوڙڻي پوندي. هن چيو ته اڄ هڪ پارٽي گرينڊ الائنس جو اعلان ڪيو آهي، ان الائنس ۾ باقي ڪهڙيون پارٽيون شامل آهن، انهن جا نالا ناهن ٻڌايا ويا. وفاقي وزير چيو ته بشريٰ بي بي جي معالج اڄ بشريٰ بي بي جي صحت کي اطمينان جوڳو قرار ڏنو آهي جيڪا خوش آئنده آهي. وفاقي وزير چيو ته نوجوانن کي بااختيار بڻائڻ جي لاءِ تمام جلد حڪمت عملي جو اعلان ڪيو ويندو. هن چيو ته ملڪ سياسي استحڪام طرف وڌي رهيو آهي، ان سان گڏوگڏ معاشي استحڪام پڻ ايندو. هن چيو ته انشاءَ الله وزيراعظم شهباز شريف جي قيادت ۾ ملڪ جا سمورا مسئلا حل ڪنداسين. هڪ سوال جي جواب ۾ هن چيو ته اسپورٽس باڊيز جا مسئلا حل ڪنداسين، پاڪستان هاڪي فيڊريشن جي حوالي سان ڪميٽي جوڙي پئي وڃي. پاڪ ايران گئس پائيپ لائين منصوبي جي حوالي سان هن چيو ته اڄ ڪابينا جي اجلاس ۾ ان بابت ڪا ڳالهه ٻولهه نه ٿي. اي پي پي جي حوالي سان هڪ سوال جي جواب ۾ وفاقي وزير چيو ته اي پي پي ۾ تازي رونما ٿيندڙ واقعي جي جاچ جي لاءِ ڪمٽي جوڙي آهي. اطلاعات واري وزارت جا سينيئر آفيسر ان واقعي جي جاچ ڪري رهيا آهن. وفاقي وزير چيو ته انڪوائري ڪميٽي جي سفارشن تي عمل ڪيو ويندو. ميڊيا ورڪرز ۽ رپورٽرز جي مسئلن بابت اطلاعات واري وفاقي وزير چيو ته هو سڀاڻي ڪراچي جو دورو ڪري رهيو آهي جتي هو پي بي اي ۽ اي پي اين ايس جي ميمبرن سان ملاقاتون ڪندو ۽ رپورٽرز ۽ ميڊيا ورڪرز جا مسئلا عيد کان اڳ حل ڪرڻ جي ڪوشش ڪنداسين، ان حوالي سان سڀاڻي باضابطا پريس ريليز ڪراچي مان جاري ٿيندي. والٽن ايئرپورٽ جي معاهدي بابت سوال تي اطلاعات واري وفاقي وزير چيو ته والٽن ايئرپورٽ جي حوالي سان معاهدو عمران خان جي دور ۾ ٿيو هو، اتي رستا ٺهي چڪا آهن، ترقياتي ڪم به ٿي چڪو آهي، عمران خان ڀڳڙن جي مٺ تي ان زمين جو معاهدو طئي ڪيو. اسان ملڪ ۾ سيڙپڪارن جي اعتماد کي نقصان پهچائڻ نٿا چاهيون، اسان ان معاهدي کي ڏسي رهيا آهيون ته ان ۾ ڪهڙي شيءَ آهي جنهن کي ٺيڪ ڪري سگهجي ٿو.

مضمون کا ماخذ : loteria com prêmio acumulado

متعلقہ مضامین