د هېواد دښمن عناصر د پاكستان او چين نزدې اړيكې٬ تاريخي لوظنامې او سي پېك تباه كول غواړي خو په ناوړه مقاصدو كښې به كامياب نه شي

APP93-23 ISLAMABAD: November 23 - Prime Minister Imran Khan addressing at the inaugural ceremony of new trains, at PM Office. APP

اسلام آباد 23 نومبر (اے پي پي) وزيراعظم عمران خان وئيلي دي د هېواد دښمن عناصر د پاكستان او چين نزدې اړيكې٬ تاريخي لوظنامې او سي پېك تباه كول غواړي خو په ناوړه مقاصدو كښې به كامياب نه شي٬ د چين د اوسنې دورې په مهال ځانګړې لوظنامې شوې ٬ د رېلوے پشمول سركاري زمكه كارولو سره به هېواد په مالي توګه لا مستحكم كولې شي٬ قېمتي زر مبادله ترلاسه كولو لپاره سمندر پورې پاكستانيانو ته سركاري زمكه كمرشل مقاصدو لپاره وركړې كېدې شي٬ د اېم اېل ون پروژې څخه به پاكستان ته ډېره ګټه ورسي٬ د پاكستان رېلوے پشمول په ټولو ادارو كښې به په مېرټ بهرتې باوري كولې شي٬ د رېلوے په پرمختګ كښې د خند جوړېدونكو په ضد دې سخته كارروائي وكړې شي٬ په قامي ادارو كښې د كرپشن او د سياسي بهرتې بوج د ګرانې په صورت اولس له پورته كول وي٬ د سركاري كارپورېشنز بحالې او پرمختګ لپاره جامع پلان جوړولې شي۔ وزيراعظم عمران خان دا خبرې د جمعې په ورځ د وزيراعظم په دفتر كښې د څلور نوو رېل ګاډو چلولو د پرانستې دستورې ته د وېنا كولو په مهال وكړې۔ په دې موقع د رېلوے وفاقي وزير شېخ رشيد احمد٬ د اطلاعات او خپرونو وفاقي وزير چوهدري فواد حسېن٬ د كشمير او ګلګت بلتستان چارو وفاقي وزير امين ګنډ اپور٬ د وزيراعظم وياند افتخار دراني پشمول د كابينې نور غړي هم موجود وو۔ وزيراعظم چې د كومو څلورو نويو رېل ګاډو پرانسته وكړه په هغې كښې سندھ اېكسپرېس﴿ د كراچې نه تر سكھر﴾٬ شاه عبدالطيف بهټائي اېكسپرېس﴿ د كراچې نه تر ميرپور خاص﴾ ٬ فېصل آباد اېكسپرېس او رحمان بابا اېكسپرېس﴿ د پېښور نه تر كراچې﴾ شامل دي۔ وزيراعظم ووئيل رېلوے د تېرو درېو مياشتو په مهال لس نوي رېل ګاډي پېل كړې ٬ په دې مباركي وركوم٬ زه خوشحال يم چې رېلوے په تېرو دريو ماشتو كښې يو نيم اربه روپې ګټلې۔ ده د رېلوے په ګټه رڼا اچولو سره ووئيل ټرېن غريب او كمزورې طبقه كاروي٬ مونږ د دې سفر چې څومره ښه او اسان كړو٬ دومره به اولس لپاره ښه وي۔ د چين د پرمختګ په شا چې كوم راز ؤ٬ هغه غريبې طبقې ته ګټه رسول وو۔ ده ووئيل چين په دېرشو كلونو كښې 70 كروړه اولس د غربت نه ويستلې٬ د دې مثال د نړۍ په تاريخ كښې نشته۔ هغه نن د نړۍ يو اقتصادي قوت جوړ شوے۔ وزيراعظم ووئيل چين چېېې په كوم رفتار پرمختګ كوي٬ په لږه موده كښې به د نړۍ لمبر ون پاور جوړ شي۔ وزيراعظم ووئيل بايد مونږ ياد ولرو چې د مدينې په رياست كښې د الله حبيب چې وړومبې كومې پالېسې جوړې كړې وې٬ پكښې ئې د ټيټې طبقې خېر ښېګړه مركزې برخه وه او يو فلاحي رياست ئې تشكيل كړے ؤ۔ وزيراعظم ووئيل د وسيلې به كمي څوك نه غريب كېږي بلكې د احساس د كمي په وجه غريب شي۔ مونږ له هم داسې پالېسې جوړول دي چې ګټه ئې عام وګړي ته ورسي۔ وزيراعظم عمران خان ووئيل د رېلوے سفر د عام وګړي سفر وي او له بده مرغه زمونږ په هېواد كښې د آزادې نه پس ما ته نه دي ياد چې د رېلوے كومې نوې پټلې غزولې شوې وي٬ ماته خو دا هم نه دي ياد چې چا د رېلوے په پټلې د سرمايه كارې پلو پام راګرځولې وي۔ په وړومبي ځل د رېلوے وفاقي وزير شېخ رشيد دې پلو پوره پام كړےِ٬ ده ووئېل كه اېم ېل ون جوړ شو نو پاكستان ته به ئې څه ګټه ورسي۔ دې سره به د پېښور او كراچې ترمېنځه سفر كم شي۔ د كراچې نه به د لاهور سفر 8 ساعتو ته راشي۔ يعني په چين كښې د كراچې نه تر لاهور سفر په څلور ساعته كښې كېږي۔ وزيراعظم د رېلوے د وفاقي وزير ستائنه وكړه كوم چې د چين اوسنې دورې په مهال په دې خبره زور رواړے چې بايد په رېلوے كښې سرمايه كاري وشي۔ ده ووئيل چين سره زمونږ لوظنامې كانفيډېنشل دي٬ مونږ ئې اولس ته نشو وړاندې كولې٬ زمونږ دښمنانو ته هم معلومه ده چې دا څومره زبردستې پروژې دي۔ دښمن هڅه كوي چې دا تباه كړې شي٬ ده ووئېل نننۍ پېښه هم په دې پلو يوه هڅه وه۔ وزيراعظم امنيتي ځواكونو ته د عقيدت پېرزوئنې وړاندې كړې او وې وئيل دوي ترهګر دننه كېدو ته نه دې پرېخښي ۔ وزيراعظم ووئيل سركاري كاپورېشنز هر كال د 500 اربه روپو زيان كوي چې پكښې پي آئي اے هم شامله ده ٬ يو د رېلوے خساره د 45 اربه روپو نه 37 اربه روپو ته راغلې۔ مونږ هڅې كوو چې دا خساره نوره هم كمه شي۔ده ووئېل سټېل مل بند پروت دے٬لس كاله وړاندې د 8 اربه روپو ګټه وه او اوس د دري نيم سوره اربه روپو په زيان بند دے۔ دغسې په پاور سېكټر كښې زمونږ زيان 1200 اربه روپې دے۔ 150 اربه روپې زيان د ګاز په څانګه كښې دے كوم چې وړاندې كله هم نه ؤ شوے۔ وزيراعظم ووئېل د دې يوه لويه وجه په دې ادارو كښې سياسي مداخله پاتې شوې۔ خلق په سياسي بنيادونو بهرتي كړې شوي د كومو چې ادارو ته ضرورت نه ؤ ۔ په مېرټ بهرتې نه دي شوې او ټول زيان اولس له پورته كول دي۔ وزيراعظم پوښتنه وكړه چې د 500 اربه روپو زيان به څوك پوره كوي٬ د اولس نه پېسې راغونډولو سره پوره كولې شي چې كوم حكومت راځي٬ په دې سركاري كارپورېشنز كښې خپلو خلقو ته برخه وركوي۔ ده ووئېل د كرپشن ټول بوج د ګرانې د لارې په اولس راځي۔ دا ادارې زيان كوي ۔ وزيراعظم ووئيل مونږ نوې نظام راوړو٬ بهرتې به په مېرټ كولې شي٬ ماته معلومه ده چې په تېر وخت كښې سياسي بهرتې شوې ٬ ماته دا هم معلومه ده چې دا خلق كار كولو ته هم څوك نه پرېږدي۔ وزيراعظم د رېلوے

مضمون کا ماخذ : شریر چڑیل

متعلقہ مضامین