پنجاب دے 20 حلقیں اچ ضمنی انتخاب ،چیف الیکشن کمشنر دی پولنگ اچ رکاوٹ پاوݨ آلیں دے خلاف قانونی کارروائی دی ہدایت

اسلام آباد۔15جون (اے پی پی):چیف الیکشن کمشنر سکندر سلطان راجہ پنجاب دے 20 حلقیں اچ 17 جولائی کوں تھیوݨ آلے ضمنی انتخاب دے صاف شفاف انعقاد دے حوالے نال افسران کوں ہدایت کریندے ہوئیں آکھیے جو الیکشن تے پولنگ دے عمل اچ رکاوٹ پاوݨ آلے عناصر دے خلاف بلا امتیاز قانونی کارروائی کیتی ونڄے ۔ چیف الیکشن کمشنر سکندر سلطان راجہ ڈسٹرکٹ ریٹرنگ افسران، ریٹرننگ افسران تے مانیٹرنگ افسران نال ٹیلوفونک رابطہ کیتے۔افسران کوں ہدایات ݙتیاں ڳئن جو او 20 حلقیں اچ انتخابات کوں صاف شفاف تےغیرجانبدارانہ بݨاوݨ دی ہرممکن کوشش کرن تے ایں حوالے نال کہیں قسم دا دٻاؤ خاطر اچ نہ گھن آون ۔چیف الیکشن کمشنر آکھیے جو الیکشن تے پولنگ دے عمل اچ رکاوٹ پاوݨ آلے عناصر دے خلاف بلا امتیاز قانونی کارروائی کیتی ونڄے ،ڈسٹرکٹ مانیٹرنگ ٹیماں ہر گزردے ویلھے دی رپورٹ الیکشن کمیشن بھجواون ۔ چیف الیکشن کمشنرڈسٹرکٹ مانیٹرنگ افسراں کوں تکڑا رہݨ تے ضابطہ اخلاق دی خلاف ورزی تے وختی ایکشن دا حکم ݙتا۔

مضمون کا ماخذ : پرامڈ ادا کرتا ہے۔

متعلقہ مضامین