نیو یارک۔21ستمبر (اے پی پی):وزیر خارجہ بلاول بھٹو زرداری نیویارک اچ پاکستان دے مستقل مشن اچ نوجوان وزراء خارجہ دے اجلاس دی میزبانی کیتی۔ کینیڈا، جمہوریہ چیک، ہنگری، آئس لینڈ، لیتھوانیا، لیکٹن سٹائن ، پاناما، قطر اتے سربیا دے وزرا ء خارجہ اجلاس اچ شرکت کیتی۔ ترجمان دفتر خارجہ موجب وزیر خارجہ انسانیت کوں پیش آندے موجودہ تے مستقبل دے چیلنجاں تے ڳالھ کیتی ، انہاں ساریں کیتے سلامتی ، امن اتے ہم آہنگی دی ضمانت دے حامل مستقبل دے بین الاقوامی نظام دی تشکیل کیتے چھی نکاتی ایجنڈے دا خاکہ پیش کیتا۔ اے موسمیاتی تبدیلی، تکنیکی اتے سائنسی ترقیاں، ماحول دوست ملازمتاں، جدید سپلائی چینز، بحراناں تے ہنگامی حالات توں متاثر عالمی معیشت، ، تزویراتی مسابقت ، مستقبل اچ ممکنہ وبائی امراض اتے مضبوط کثیر جہتی تعاون دی لوڑھ جیہے چیلنجاں دا احاطہ کریسی ۔ اقوام متحدہ دے سیکرٹری جنرل دے خصوصی ایلچی نوجوانان وی اجلاس اچ شرکت کیتی تے نینگراں دی آپݨے مستقبل دی تشکیل دے عمل اچ بھرپور شرکت متعلق سیکرٹری جنرل دے خیالات کوں چاتا ۔ شریک وزراء خارجہ متفقہ تے پرزور طریقے نال وزیر خارجہ دے اقدام دا خیرمقدم کیتا تے انہاں مسئلیں دا خاکہ پیش کیتا جنہاں کوں او دنیا دیاں قوماں دے مستقبل کیتے اہم سمجھدن ، انہاں موجودہ چیلنجز بشمول سیاسی، سکیورٹی، اقتصادی، انسانی حقوق اتے ماحولیات تے سانجھے اعتماد اچ کمی ، انسانی رابطے ، نینگراں کوں پیش آندے مسئلیں تے عالمی تعاون اچ کمی دا ذکر کیتا۔ شرکاء اچ عام اتفاق ہئی جو اے نواں پلیٹ فارم ھک شاندار اقدام اے جیں دا خیر مقدم کیتا ونڄݨا چاہیدے ۔ وزیر خارجہ چھیکڑ اچ میٹنگ دے دوران ظاہر کیتے ڳے قیمتی خیالات کوں نوٹ کیتا جیڑھا جو اقوام متحدہ دے سیکرٹری جنرل دی طرفوں تجویز کیتے ڳئے”مستقبل دے معاہدہ” دی تشکیل اچ غور و خوض کیتے معلومات ݙیسن ۔بحث دا خلاصہ سارے شریک وزراء کوں بھیج ݙتا ویسی تے بعد اچ اقوام متحدہ دے رکن ملکاں تے ٻئے اسٹیک ہولڈرز دے نال شیئر کیتا ویسی ۔
