وزيراعظم پاران پاڪستان ۽ آذربائيجان جي وچ ۾ مضبوط لاڳاپن تي اطمينان جو اظهار

باڪو – 13 – نومبر (اي پي پي) وزيراعظم محمد شهباز شريف پاڪستان ۽ آذربائيجان جي وچ ۾ مضبوط لاڳاپن تي اطمينان جو اظهار ڪندي ٽيڪنالاجي، قابل تجديد توانائي ۾ گڏيل منصوبن سميت مختلف شعبن ۾ تعاون کي وڌيڪ وڌائڻ جي عزم جو اظهار ڪيو آهي. وزيراعظم آفيس جي پريس ونگ پاران جاري بيان موجب عالمي اڳواڻن جي ڪلائميٽ ايڪشن سربراهي اجلاس (ڪوپ 29) جي موقعي تي وزيراعظم محمد شهباز شريف جي آذربائيجان جي صدر الهام عليوف سان ملاقات ٿي. وزيراعظم محمد شهباز شريف باڪو ۾ ورلڊ ليڊرز ڪلائميٽ ايڪشن سمٽ جي ڪامياب انعقاد تي صدر الهام عليوف کي مبارڪباد ڏني. هن ماحولياتي تبديلي سان پيدا ٿيندڙ چئلينجز کي منهن ڏيڻ ۽ ان حوالي سان عالمي تعاون کي وڌائڻ جي صدر الهام عليوف جي ويزن ۽ عزم کي ساراهيو. ملاقات ۾ وزيراعظم چيو ته پاڪستان زريلي گئسن جي اخراج ۾ معمولي حصو هجڻ جي باوجود موسمياتي تبديلين کان سڀ کان وڌيڪ متاثر ٿيندڙ ملڪن ۾ شامل آهي. هن آذربائيجان ۽ عالمي برادري سان ماحولياتي تبديلي بابت چئلينجز تي ڪم ڪرڻ جي پاڪستان جي عزم جو ورجاءُ ڪيو. ٻنهي اڳواڻن پاڪستان آذربائيجان ٻطرفن لاڳاپن جي سمورن رخن جو جائزو ورتو. هن پاڪستان ۽ آذربائيجان جي وچ ۾ مختلف شعبن خاص طور تي اقتصادي ۽ دفاعي تعاون ۾ اسٽريٽجڪ حصيداري کي وڌيڪ مستحڪم ڪرڻ ۽ عوامي رابطن سان گڏوگڏ ثقافتي لاڳاپن جي مضبوطي جي عزم جو اظهار ڪيو. وزيراعظم پاڪستان ۽ آذربائيجان جي وچ ۾ مضبوط لاڳاپن تي اطمينان جو اظهار ڪندي ٽيڪنالاجي، قابل تجديد توانائي ۾ گڏيل منصوبن سميت مختلف شعبن ۾ تعاون کي وڌيڪ وڌائڻ جي عزم جو اظهار ڪيو. ٻنهي اڳواڻن وچ اوڀر جي صورتحال ۽ ٻين علائقائي ۽ عالمي معاملن تي اڳڀرائي تي پڻ خيالن جي ڏي وٺ ڪئي.

مضمون کا ماخذ : آن لائن لاٹری کے انعامات

متعلقہ مضامین