غیر قانونی بھارتی ڈی ٹی ایچ دا استعمال پیمرا قوانین دے تحت قابلِ دست اندازی جرم اے،خلاف ورزی دی صورت اچ فوری قانونی کاروائی کیتی ویسی،ترجمان پیمرا

اسلام آباد ۔ 28 اکتوبر (اے پی پی) پاکستان الیکٹرانک میڈیا ریگولیٹری اتھارٹی (پیمرا) وفاقی دارالحکومت سمیت پورے ملک اچ فائیو سٹار ہوٹلز کوں خبر دار کیتے جو غیر قانونی بھارتی ڈی ٹی ایچ دا استعمال پیمرا قوانین دے تحت قابلِ دست اندازی جرم اے،خلاف ورزی دی صورت اچ فوری قانونی کاروائی کیتی ویسی۔پیمرا دے ترجمان دے مطابق پورے ملک اچ غیر قانونی ڈی ٹی ایچ اتے بھارتی مواد دی نشریات دے خلاف آپریشن مختلف محکمیاں دے تعاون نال 15اکتوبر توں بھرپور طریقے نال جاری اے۔ایں بارے خصوصی طور چینلاں تے بھارتی مواد دے معائنہ سانگے پیمرا دی ٹیم اسلام آباد اچ فائیو سٹار ہوٹلاں دا دورہ کیتا۔ملک دے بئے شہراں اچ وی فائیو سٹار ہوٹلاں دا معائنہ شروع تھی گئے

مضمون کا ماخذ : لوٹیریا وفاقی

متعلقہ مضامین