اسلام آباد ۔ 23 مارچ (اے پی پی) یوم پاکستان تے بانی رہنماواں کوں خراج عقیدت پیش کریندے ہوئیں صدر مملکت ڈاکٹر عارف علوی مقبوضہ کشمیر دے عوام نال غیر متزلزل حمایت دا اعلان کیتے جیرھا جو گزریل7مہینے توں ودھ عرصے توں غیر انسانی لاک ڈاﺅن اتے مواصلاتی بندش دا شکار اے۔ صدر یوم پاکستان دے موقع تے اپنڑے پیغام اچ آکھیے جو او جموں و کشمیر دی عوام کوں یقین ڈویندن جو پاکستان انہاں دے مونڈھے نال مونڈھا رلائی کھڑے تے انہاں دے جائز حق خودارادیت کیتے اخلاقی، سیاسی ، سفارتی حمایت جاری رکھیسی۔ انہاں آکیے جو23مارچ اساڈی قومی تاریخ سا اہم سنگ میل اے کیوں جو اج دے ڈینھ 1940ءاچ تاریخی قرارداد لاہور پاس کیتی گی جیں برصغیر دے مسلماناں کوں ہک عظیم مقصد کیتے ہک مٹھ کیتے ۔ برصغیر دے مسلماناں ہک مٹھ تھی تے انجھ وطن کیتے غیرمتزلزل عزم ظاہر کیتے جیں اچ او اپنڑے مذہب ، روایات، اقدار اتے ثقافت دے مطابق اپنڑی زندگی گزار سگن ۔ انہاں آکھیے جو اج اساڈے قوم قائداعظم محمد علی جناح، شاعر مشرق علامہ محمد اقبال اتے تحریک آزادی دے بئے عظیم قائدین کوں خراج عقیدت پیش کریندے پیوں جنہاں تخلیق پاکستان دا رستہ ہموار کیتا ۔ صدر مملکت آکھیا جو آﺅ اساں اپنڑے ملک کوں امن، ترقی اتے استحکام دا گہوارہ بنڑاونڑ کیتے آپنڑے وڈیں دے نقش قدم تے ٹر تے انہاں دی میراث تے ورثے کوں جاری رکھنڑ عزم ظاہر کرن ۔
