اسلام آباد۔12جولائی (اے پی پی):وفاقی وزیر وفاقی تعلیم و پیشہ ورانہ تربیت رانا تنویر حسین آکھیے ملک اچ پہلی واری وفاقی حکومت ساریاں وفاقی اکائیاں دے اتفاق رائے نال قومی نصاب دی تیاری دا عمل مکمل کیتے، درسی کتب بین الاقوامی معیار دے مطابق تیار کرݨ کیتے اقدامات کریندے پیوں ، انڈوومنٹ فنڈ دے ذریعے ضرورت مند طلبا کوں وظائف ݙتے ویسن ، ٻدھ کوں اتھاں پاکستان ایجوکیشن انڈوومنٹ فنڈ اتے قومی نصاب دے آغاز دی تقریب توں خطاب کریندے ہوئیں وفاقی وزیر رانا تنویر حسین آکھیے اڄ دا ݙینھ اساں کیتے ٻہوں اہمیت رکھیندے کیوں جو اڄ اساں ایں تعلیمی شعبے کیتے جیڑھے اقدامات شروع کریندے پیوں ، انہاں کوں سابقہ حکومتاں او اہمیت نی ݙتی جیڑھی جو ایں قوم دی ترقی تے خوشحالی کیتے ضروری ہئی ، انہاں آکھیے وزیراعظم دی رہنمائی اچ وفاقی وزارت ٻہوں گھٹ عرصے اچ اہم اقدامات کیتن ، انہاں اچ اسلام آباد توں آئوٹ آف سکول ٻالاں کوں تعلیمی دھارے گھن آوݨ کیتے اقدامات شامل ہن ، ایں سلسلے اچ 25 ارب روپے دی لاڳت توں ھک فنڈ مختص کیتا ڳئے جیں دا وݙا حصہ ابتدائی تعلیم کیتے رکھیا ڳئے ، ابتدائی تعلیم دی بہتری کیتے ٻئے اقدامات وی کیتے ویندے پئن ، پیشہ ورانہ تعلیم کیتے استاداں دی تربیت دے اقدامات اتے امتحانی نظام اچ بہتری دے اقدامات شامل ہن ۔ ملک اچ 2006 دے بعد پہلی واری وفاقی حکومت ساریاں وفاقی اکائیاں دے اتفاق رائے توں قومی نصاب دی تیاری دا عمل مکمل کیتا ڳئے۔
