روس نال معاملے طے تھیوݨ دے بعد سستا تیل پاکستان کوں ملسی، گرین لائں نال ریلوے دا ریونیو ودھسی، خواجہ سعد رفیق

لاہور۔31جنوری (اے پی پی) وفاقی وزیر ریلوے خواجہ سعد رفیق آکھیا جو روس نال معاملے طے تھیوݨ دے بعد سستا تیل پاکستان کوں ملسی، گرین لائں نال ریلوے دا ریونیو ودھسی۔ اے ڳالھیں انہاں منگل کوں ریلوے ہیڈ کوارٹر اچ پریس کانفرنس توں خطاب کریندیں ہوئیں آکھی۔ وفاقی وزیر ریلوے آکھیا جو پاکستان ریلوے ایں ویلھے مالی بحران دا شکار اے اتے اڄوکے تیل دے نرخاں اچ ودھارے نال ریلوے کوں ٻیا جھٹکا لڳسی۔ اساں ست توں اٹھ فیصد کرایے ودھاوݨ تے غور کریندے پیوں کیونجو پاکستان ریلوے ساݙھے پںج ارب ڈالر دا ٻیا خسارہ برداشت کرݨ دے قابل نی۔ انہاں آکھیا جو چھل پاروں پہلے ای اساݙا انفراسٹرکچر تباہ تھی ڳے جئیں پاروں اساݙے ادارے اچ پنشنز اتے تنخواہیں دی ادائیگی اچ رکاوٹ امدی پی اے۔ انہاں آکھیا جو پی آئی اے اتے پاکستان ریلوے کما تے اپݨے ملازماں کوں تنخواہیں ادا کریندے جئیں نال شیڈولز دی ادائیگی تھی ڳی اے باقی ادائیگیاں ادا کریندوں۔ اڄوکی حکومت بہتری کیتے بھرپور اقدامات کریندی پی اے اتے روس نال معاملے طے تھیوݨ دے بعد امید کریندوں جو پاکستان کوں سستا تیل ملسی جئیں نال اتھاں تیل دے نرخ ڳھٹ تھی ویسن۔

مضمون کا ماخذ : گرم گرم

متعلقہ مضامین