د اطلاعات او خپرونو وفاقي وزير چوهدري فواد حسېن”بحراني صورتحال كښې تزويراتي رابطې او د مېډيا كردار”په سرخط د وركشاپ اختتامي دستورې ته خطاب

اسلام آباد 13 فروری (اے پی پی) د اطلاعات او خپرونو وفاقي وزير چوهدري فواد حسېن وئېلي دي پاكستاني قام د ترهه ګرۍ په مړانه او كاميابۍ سره مقابله كړی٬د انتهاخوښۍ په ضد قامي او نړيواله بيانيه جوړول غواړو٬په سوشل مېډيا د كركې وړ مواد مخ نيوي له اقدامات كوو٬په اسلام كښې د انتهاخوښۍ او شدت خوښۍ تصور نشته٬په افغان شخړه كښې پاكستان كښې انتهاخوښي خپره شوې ۔د دې خيالاتو څرګندونه ده د شورو په ورځ “بحراني صورتحال كښې تزويراتي رابطه او د مېډيا كردار”په سرخط د وركشاپ اختتامي دستورې ته خطاب كښې وكړه۔ده ووئيل زمونږ د زغم او حوصلې تاريخ پخوانې دے خو په 1980 كښې په ګاونډ كښې په غېر روايتي شخړه كښې ګير شو چې له امله يې په هېواد كښې ترهه ګري او انتهاخوښي خپره شوه۔ده ووئيل پاكستانې قام بهادر دے چا چې د ترهه ګرۍ او انتهاخوښۍ په ضد ځانګړی قربانۍ وركړې او په دې لعنت يې قابو موندلې۔ده ووئيل په اسلام كښې د ترهه ګرۍ او انتهاخوښۍ تصور نشته۔ده ووئيل د نيمې وچې اولس او په خاص توګه د سندھ تهذيب كښې د زغم تاريخ پخوانې دے٬نړۍ د انتهاخوښۍ غوندې سختو چېلنجونو سره مخ ده٬پاكستان هم د ترهه كرۍ او انتهاخوښۍ سره مخ دے۔ وفاقې وزير ووئيل په هند كښې د مودي حكومت په راتللو انتهاخوښي زياته شوې۔ده ووئيل د نړۍ بېلې ټولنې په څه نه څه صورت د انتهاخوښۍ ښكار دي۔ده ووئيل په قوانين عملدرآمد د رياست ذمه واري ده٬د عمران خان حكومت د وړومبنۍ ورځې نه په قانون عملداري باوري كولو له لوظي دے او چا له به هم په هېواد كښې د كركې خپرولو اجازه ورنه كړې شې۔ده ووئيل په مېډيا د كركې وړ وېناګانو باندې تر ډېره حده قابو موندلې شوې۔په سوشل مېډيا د كركې وړ مواد مخ نيوي له اقدامات كوو۔د سوشل مېډيا ناوړه كارونكې نيولې شوي او په يو څو ورځو كښې به پاتې هم ونيولې شي۔ده ووئيل حكومت د ون ونډو آپرېشن د لارې په مېډيا او سوشل مېډيا د كركې وړ وېناګانو او انتها خوښۍ بيانيې مخ نيوي معاملې ختمولو له پاكستان مېډيا ريګوليټري اتهارټي جوړوو۔ده ووئيل په هېواد كښې د رايو څرګندونې آزادي د ټولو بنيادي حق دے خو د نورو آزادۍ ته زيان نه دې شي رسول پكار ۔ فواد چوهدري د انتهاخوښۍ په اړه په وركشاپ كولو د پي پي سي ستائنه وكړه ځكه چې انتهاخوښي نړيواله مسئله ده۔د دې څخه وړاندې د پي پي سي چيف ايګزېكټو آفيسر شبير انور د وركشاپ مقاصد رامخې ته كړل۔د پي پي سي ايګزېكټو ډائرېكټر بېرسټر ظفرالله خان هم په دې موقع خطاب وكړو۔په وركشاپ كښې د قامي اسمبلۍ غړو٬د سېنېټ غړو٬د څلورو واړو صوبائي اسمبلو٬ګلګت بلتستان او آزاد كشمير قانون سازې اسمبلۍ غړو هم ګډون كولو

مضمون کا ماخذ : apostas lotofácil

متعلقہ مضامین