اسلام آباد۔25ستمبر (اے پی پی):وفاقی وزیر اطلاعات و نشریات مریم اورنگزیب کرک اچ پی ٹی آئی دے چیئرمین عمران خان دے خطاب کوں بےشرمی قرار ݙیندے ہوئیں آکھیے جو آڈیو ثبوت اے جو کوئی غیر قانونی کم نی تھیا ، نہ ہی کہیں کوں کوئی ناجائز فیدہ پڄایا ڳئے ، بھارت توں بجلی دا پلانٹ عمران خان دی حکومت دی پالیسی تے قانون دے مطابق آیا، عمران صاحب ہائوسنگ سوسائٹی دے گرڈ اسٹیشن دی تنصیب بارے 18 جولائی 2020ء دا ہائی کورٹ ملتان بینچ دا فیصلہ پڑھ گھنو ۔ اتوار کوں آپݨے ھک بیان اچ انہاں آکھیے جو فارن فنڈنگ دے عوض پاکستان دی آزادی، خودمختاری اتے معیشت دا سودا کرݨ آلا چیکاں مریندا کھڑے ، رومیتہ شیٹی ، اندردوسانج جیہے بھارتیاں توں فارن فنڈنگ گھنݨ آلا اڄ چیکاں مریندا پئے ، ایں کوں کاوڑ ایں ڳالھ دی اے جو شہباز شریف کوئی پالیسی بدلی نہ زمین منگی اتے نہ ہی 5 قیراط دے ہیرے منگیے، کوئی غیرقانونی کم نہ تھیوݨ تے عمران خان کاوڑ توں پاڳل تھی ڳئن ، عمران خان کوں کاوڑ تے تکلیف ہی ایہا اے جو آڈیو توں وی کوئی غیرقانونی چیز برآمد نہ تھی سڳی۔ انہاں آکھیے عمران خان کوں کاوڑ تے تکلیف اے جو آڈیو اچ بشری بی بی دے پنج کیرٹ ہیرے دا ذکر کائںی۔ انہاں آکھیے خیرات دے پیسے اپݨی ذات اتے سیاست کیتے استعمال کریندے رنگے ہتھوں وٹھیے ونڄݨ دا چیکݨ چلاوݨ بݨدے ۔ مریم اورنگزیب آکھیے جو 190 ملین پائونڈ ”بند لفافے“اچ پنج قیراط دی مندری ݙیوݨ آلے کوں ”عطیہ“ کرݨ جیہا کوئی کم نی تھیا ، پنج قیراط ہیرے کیتے حکومتی پالیسی بدلݨ آلا اڄ ݙوجھیں تے بہتان لیندا کھڑے ، انہاں آکھیے 458 کنال زمین کیتے حکومتی پالیسی بݨاوݨ آلا ہمیشہ وانڳوں اڄ وی کوڑ مریندا کھڑے ، انہاں آکھیے جو توشہ خانہ دی پالیسی بدل تے کروڑاں روپے دیاں ترائے گھڑیاں توں منافع کماوݨ آلا کوڑ مارݨ توں پہلے شیشہ ݙیکھ ڳھدا کرے ۔ مریم اورنگزیب آکھیے جو ایں آڈیو اچ شوکت ترین تے تساݙے صوبائی وزرا دی پاکستان دشمن سازش جیہی کوئی ڳالھ نی نکلی ۔
