پاکستان کوں صحت و تعلیم دے دے شعبہ اچ وݙے چیلنجز ہین، صدر مملکت ڈاکٹر عارف علوی دا ڈیجیٹل ہیلتھ نیشنل کانفرنس نال خطاب

اسلام آباد۔14دسمبر(اے پی پی)صدر مملکت ڈاکٹر عارف علوی آکھیے جو ڈیجیٹل اتے مصنوعی ذہانت آلیاں ٹیکنالوجیز نال چلݨ آلی ٹیلی ہیلتھ ملک اچ آن لائن فارمیسیاں اتے لیبز، چیٹ بوٹس اتے آن لائن ٹیلی فونک مشاورت دی ترقی کیتے اہم ہین، پسماندہ علاقیاں اچ غیر مراعات یافتہ لوکاں کوں سستی طبی مشاورت، رہنمائی اتے تشخیص دی سہولیات ݙیوݨ دی لوڑھ اے۔ اے ڳالھ انہاں پاکستان دی ݙوڄھی ڈیجیٹل ہیلتھ نیشنل کانفرنس نال خطاب اچ آکھی۔ صدر مملکت آکھیا جو ملک کوں صحت و تعلیم دے شعبے اچ خاص کر فنڈز دی کمی جھیں چیلنجز دا سامݨا اے، ایندے اچ طبی پیشہ ور لوکاں دی کمی، ناقص انفراسٹرکچر، صحت دی خدمات دی مہانگی لاگت، دیہی علاقیاںا چ ڳھٹ سہولتاں سودھا فنڈز نا ہووݨ شامل اے۔ انہاں آکھیا جو انہاں مسلیاں نال مصنوعی ذہانت دے ٹیلی ہیلتھ اتے ڈیجیٹل صحت اقدامات نال نمٹیا ونڄ سڳدے جیڑھے ورچوئل ہسپتالاں، کلینکس، تشخیصی نظام نال صحت خدمات ݙیوݨ اتے احتیاطی تدابیر ودھا تے نظام صحت کوں بہتر کریسی جو بیماریاں ڳھٹن۔ انہاں آکھیا جو ہیپاتائٹس تون بچݨ کیتے علاج دے نال نال احتیاطاں تے آگاہی ضروری اے، کرونا نال وی اساں احتیاطاں نال ہی نبݨیے ہیں۔

مضمون کا ماخذ : خوش قسمتی کا رش

متعلقہ مضامین